Eignin er seld

Stofan fasteignasala kynnir fallegt og vel skipulagt 5-6 herbergja raðhús á tveimur hæðum með bílskúr við Suðurgarð 18, Reykjanesbæ.
Eignin er skráð samtals 185,9 fm, þar af er bílskúr 22,7 fm. Að auki við uppgefna fermetra er óskráð rými á neðri hæð sem telur 22,7 fm sem nýtist sem sjónvarpshol í dag, raunstærð því um 209 fm.
Fallegt útsýni frá húsinu.

Gott fjölskylduhús
4 svefnherbergi (möguleiki að bæta við 5 herberginu)
Fallegt útsýni
Skjólgóð verönd og heitur pottur
Eign sem hefur fengið gott viðhald
Öflugt og vel stætt húsfélag í raðhúsalengjunni
Snyrtileg gata og fallegt umhverfi

Efri hæð
Gengið er inn í flísalagða forstofu með fataskápum.
Gestasalerni inn af forsofu með flísum á gólfi. Úr gestasalerni er jafnframt innangengt í bílskúrinn.
Hol er bjart með flísum á gólfi, hátt til lofts.
Eldhús er með fallegri sérsmíðaðri innréttingu, helluborð, vifta, bakarofn í vinnuhæð, tengi fyrir uppþvottavél, flísar á gólfi.
Eldhúsborð er hægt að draga frá innréttingunni og þá hægt að setja barstóla við, eldhúsborð fylgir með.
Búr inn af eldhúsi. Þar er lúga fyrir geymsluloft sem er yfir eldhúsinu.
Stofa / borðstofa er sérstaklega björt og rúmgóð með flísum á gólfi, mikilli lofthæð, stórum gluggum og mjög góðu útsýni. Útgengt á suðursvalir úr stofu. Nýir viðhaldsfríir gluggar og svalahurð í stofu. Mögulegt er að taka hluta af stofu fyrir herbergi en það fyrirkomulag er í flestum húsum í götunni.
Parketlagður stigi niður á neðri hæð. Fallegt handrið með glerjum við stiga. Geymsla undir stiga.
Bílskúr er snyrtilegur, með nýrri bílskúrshurð með rafmagnsopnun og gönguhurð. Heitt og kalt vatn. Gott geymsluloft er yfir helmingi bílskúrs.
Innkeyrsla sem er upphituð rúmar þrjá bíla.

Neðri hæð
Hol með parketi á gólfi. Mögulegt að nýta sem sjónvarpshol.
Hjónaherbergi með sérsmíðuðum fataskápum og parketi á gólfi.
Tvö herbergi bæði með fataskápum og parketi á gólfi.
Rúmgott sjónvarpherbergi/skrifstofa með parketi á gólfi. Herbergið telur 23 fm og er ekki inn í fermetratölu hússins. Rýmið er gluggalaust en með loftræstingu.
Baðherbergi er með með fallegri sérsmíðaðri innréttingu, salerni, baðkari og sturtu, flísum á gólfi og veggjum í kringum baðkar og sturtu. Opnanlegur gluggi. Inn af baðherbergi er lítið rými sem er notað sem fataherbergi.
Þvottahús er með góðri innréttingu, vask og flísum á gólfi. Þvottavél og þurrkari í vinnuhæð.

Af gangi á neðri hæð er útgengt á fallegan suðurpall þar sem er einstaklega skjólsælt. Steyptur heitur pottur á palli. Framan við pall er mjög fallegur lítill garður, með hellum og fjölbreyttum gróðri.
Ný viðhaldsfrí svalahurð út á pall og sömuleiðis gluggar í svefnherbergjum.

Eignin hefur alltaf fengið gott viðhald og er í góðu ástandi.
Skv. seljanda hafa eftirfarandi endurbætur átt sér stað á síðustu árum:
- Gluggar/gler og svalahurðir á suðurhlið endurnýjað árið 2018
- Rafmagn lagt út á pall og garð fyrir nokkrum árum, garðljós á báðum pöllum
- Neysluvatnslagnir endurnýjaðar 2016
- Bílskúrshurð og rafmagnsopnun endurnýjuð árið 2017
- Þakið málið árið 2020
 
Þetta er mjög falleg eign á góðum stað í Reykjanesbæ. Gatan er vistgata (með 15 km hámarkshraða), mjög snyrtileg, með fallegum trjágróðri. Gatan hefur fengið verðlaun frá bænum fyrir snyrtilegt og fallegt útlit. 
Stutt er í leikskóla og grunnskóla. Við enda götunnar er lítill leikvöllur með leiktækjum sem tilheyrir götunni.

Allar nánari upplýsingar um eignina veitir Guðný Ósk í síma 866-7070, [email protected] og Atli Þór í síma 699-5080

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar. Nánari upplýsingar á heimasíðu lánastofnana. 
4. Umsýslugjald til fasteignasölu skv.gjaldskrá.